Йўл ҳаракати хавфсизлиги Бош бошқармасининг дастлабки маълумотларига кўра, жорий йилнинг 31 июль куни соат 16:20ларда Тошкент шаҳар, Яккасарой тумани, Муқумий кўчасида 1981 йилда туғилган ҳайдовчи Х.Т. "Ваз-2114" русумли автомобилда ҳаракатланаётиб бошқарувни йўқотган ва транспорт воситаси ағдарилган.
Ағдарилиш оқибатида автомобильда ёнғин юзага келган. Ёнғин ўт ўчирувчилар томонидан бартараф этилган.
Мазкур ҳодиса натижасида бир нафар йўловчига биринчи тез тиббий ёрдам кўрсатилган.
Ҳолат юзасидан Тошкент шаҳар ИИББ ЙҲХБ ходимлари томонидан суриштирув олиб борилмоқда.
Шу ўринда ЙҲХББ барча ҳайдовчилардан белгиланган қоидаларга риоя қилишларини сўрамоқда.
