ХХХII ёзги Олимпия ўйинларининг юнон-рум кураши баҳсларида иштирок этаётган ҳамюртимиз Рустам Aссакаловнинг чорак финал беллашуви якунига етди.
Ярим финал йўлланмаси учун кечган баҳсда тажрибали спортчимизга хорватиялик Иван Хуклек рақиб бўлди.
24 ёшли Иван Хуклекнинг жаҳон чемпионатларидаги энг юқори натижаси 8-ўрин (2019 йил, Нур-Султон) бўлиб, Европа чемпионатида эса 15-ўринни эгаллаган.
Шунга қарамай, тажриба ва ёшлик шижоати қарама-қаршилигида афсуски иккинчи томон устунлик қилди. Хуклек 4-1 ҳисобида ғалабага эришиб, ярим финалга йўл олди. Энди унинг финалга чиқиши учун мухлислик қиламиз. Ўшанда Aссакаловда бронза учун имконият туғилади.
