Ўзбекистон Жаҳон хайрия индексида 53-ўриндан 29-ўринга кўтарилди

ЖАМИЯТ 11.08.2021, 18:55
Теглар: Сенат
Ўзбекистон Жаҳон хайрия индексида 53-ўриндан 29-ўринга кўтарилди

Халқаро рейтинг ва индекслар билан ишлаш бўйича республика кенгашининг йиғилиши бўлиб ўтди, деб хабар бермоқда «Дунё» АА мухбири Олий Мажлис Сенати маълумотига асосланиб.

Видеоконференцалоқа тарзида ўтказилган йиғилишни Сенат раиси, Кенгаш раиси Танзила Норбоева олиб борди.

Йиғилишда ижтимоий-иқтисодий ва сиёсий-ҳуқуқий соҳага оид устувор халқаро рейтинг ва индексларда Ўзбекистоннинг ўрнини яхшилаш бўйича 2021 йилга мўлжалланган чора-тадбирлар режасининг биринчи ярим йилликдаги ижроси, Жаҳон иқтисодий форумининг Глобал рақобатбардошлик индексида Ўзбекистоннинг ўрнини акс эттириш бўйича чора-тадбирлар режасининг ижроси муҳокама қилинди.

Бундан ташқари давлатимиз раҳбарининг 2021 йил 14 январдаги «Ўзбекистон Республикасида ҳуқуқ устуворлигини таъминлаш ҳолатини аниқлашнинг самарали механизмини жорий этиш чора-тадбирлари тўғрисида»ги қарорининг ижроси тўғрисидаги масалалар муҳокама қилинди.

Қайд этилганидек, сўнгги уч ой давомида бир қатор халқаро рейтингларда мамлакатимиз ўрни яхшиланди. Хусусан, «S&P» Global Ratings томонидан юритиладиган суверен кредит рейтингида мамлакатимиз рейтинг прогнози «салбий»дан «барқарор»га оширилди. Парламентлараро иттифоқ томонидан юритиладиган «Сиёсатдаги аёллар» жаҳон рейтингининг «Парламентдаги аёллар» қисмида Ўзбекистон 130-ўриндан 45-ўринга кўтарилди. Жаҳон хайрия индексида 114 та давлат орасида мамлакатимиз 53-ўриндан 29-ўринга, яъни деярли икки баравар кўтарилди.

Йиғилишда Республика кенгаши томонидан 532 банддан иборат 2021 йилга мўлжалланган иш режаси тасдиқланган бўлиб, биринчи ярим йилликда ижтимоий-иқтисодий соҳада бажарилиши белгиланган 272 та банддан 76 таси бажарилганлиги, 188 таси бажарилаётганлиги ва 8 таси бажарилмаганлиги, сиёсий-ҳуқуқий соҳада 86 та банддан 32 таси бажарилганлиги, 50 таси бажарилаётганлиги ва 4 таси бажарилмаганлиги таъкидланди.

Тадбирда Жаҳон иқтисодий форумининг Глобал рақобатбардошлик индексида Ўзбекистоннинг ўрнини акс эттириш бўйича чора-тадбирлар режасининг ижроси ҳам муҳокама қилинди.

Муҳокама давомида ҳудудларнинг ҳуқуқ устуворлиги индексини аниқлаш учун зарур бўлган статистик маълумотларни “Huquq ustuvorligi” автоматлаштирилган ахборот тизимига (huquq.indikator.uz) киритишда мутасадди ташкилотлар томонидан сусткашликка йўл қўйилаётганлиги қайд этилди. Бу эса Тизимга киритилган маълумотларни умумлаштирган ҳолда ўтган ҳисобот йили учун Ҳудудларнинг ҳуқуқ устуворлиги индексини ўз вақтида тузиш имконини бермаётгани таъкидланди.

Шунингдек, йиғилишда масъул вазирлик ва идоралар ахбороти эшитилиб, йўл қўйилган камчиликларни бартараф этиш ва белгиланган вазифалар ижроси юзасидан бир ой муддатда Республика кенгашига тегишли ахборот киритилиши вазифаси қўйилди.

Шарҳлар

Ўзбекистонда гўдаклар ўлими кўпайган — Сенат

29.09.2022, 09:18

Олий Мажлис Сенати Кенгаши мажлисида Репродуктив саломатликни сақлаш, оналик ва болаликни муҳофаза қилиш бўйича амалга оширилаётган ишлар ҳолатини ўрганиш масаласи муҳокама қилинди, дея хабар бермоқда...
Жўқорғи Кенгес раиси Аманбай Оринбаев Сенат раисига ўринбосар этиб сайланди

13.09.2022, 10:47

Бугун, 13 сентябрь куни, Тошкент шаҳрида Сенатнинг мажлислар залида Ўзбекистон Республикаси Олий Мажлиси Сенатининг ўттиз иккинчи ялпи мажлиси ўз ишини бошлади. Бу ҳақда Сенат ахборот...
"Сенат „ади-бади“ айтишиб ўтирадиган жой эмас". Беҳзод Мусаев ва Акмал Бурхонов ўртасида дебат бўлиб кетди. Сенат раиси баҳсга аралашди (видео)

05.08.2022, 12:03

Сенатнинг 29-ялпи мажлисида Коррупцияга қарши курашиш агентлиги директори Акмал Бурхонов Ўзбекистонда коррупцияга қарши курашиш тўғрисидаги миллий маърузаси баҳс-мунозарага айланиб кетди.Агентлик раҳбарининг сўзларига кўра, коррупцияга оид...
Сенат ялпи мажлисида Уй-жой кодекси маъқулланмади

04.08.2022, 12:04

Сенатнинг йигирма тўққизинчи ялпи мажлисида Ўзбекистон Республикасининг Уй-жой кодекси муҳокама қилинди, дея хабар бермоқда Сенат матбуот хизмати.Муҳокамалар давомида сенаторлар Кодексда айрим нормаларни қўллаш механизмлари етарлича...
Об-ҳаво: Тошкент
+-1.03° tumanli
Валюта курси
11228.08
USD 24.95
11723.24
EUR 119.04
183.66
RUB -0.25
1