Суҳбат аввалида давлат раҳбари Озарбайжон етакчисини Бутунжаҳон урбанизация форумининг муваффақиятли ташкил этилгани билан табриклади.
Учрашувда аввалги олий даражадаги музокараларда эришилган келишувларни амалга ошириш, Ўзбекистон ва Озарбайжон ўртасидаги стратегик шериклик ҳамда иттифоқчилик муносабатларини янада мустаҳкамлаш масалалари муҳокама қилинди.
Томонлар ўзаро савдо ҳажми йил бошидан буён 40 фоиздан зиёдга ошганини қайд этди.
Шунингдек, қурилиш, тоғ-кон саноати, энергетика, қишлоқ хўжалиги ва туризм соҳаларидаги кооперация лойиҳалари муваффақиятли амалга оширилаётгани таъкидланди.
Лойиҳаларни жадаллаштириш, қўшма инвестицияларни кенгайтириш ҳамда Қўшма инвестиция компанияси маблағларини фаол жалб этиш муҳимлиги қайд этилди.
Етакчилар транспорт ташаббуслари ва халқаро транспорт йўлакларини ривожлантириш бўйича ҳамкорлик истиқболларини ҳам муҳокама қилди.
Учрашувда бўлажак олий даражадаги тадбирлар режаси ҳам кўриб чиқилди.
