Самарқандда "ЗИЛ" ёниб кетди. Бу ҳақда вилоят ФВБ хабар берди.
Маълумотга кўра, куни кеча, 28 сентябрь куни соат 15:38 да Самарқанд тумани “Хишрав -1” МФЙда жойлашган “Давлатбек 95” МЧЖ ҳудудида “Зил-130” русумли юк автомашинасининг мотор қисми ёнаётганлиги тўғрисида хабар келиб тушади.
1та ёнғин ўчириш экипажи соат 15:48 да воқеа жойига етиб бориб, ёнғин соат 15:50 да қуршаб олинган ва соат 16:01 да тўлиқ бартараф этилган.
"Ҳодиса оқибатида ҳалок бўлган ва жабрланганлар йўқ",–дейилади хабарда.
Қайд этилишича, ҳозирда ёнғин сабаби ва етказилган моддий зарар миқдори аниқланмоқда.
