"Мисс Россия мигрантлар федерацияси" гўзаллик танловининг ярим финал босқичида очиқ овоз бериш жараёни ниҳоясига етди, дея ёзмоқда "Замон"
Олинган овозлар сони бўйича икки нафар ўзбекистонлик қиз финалга чиқди. Улар 2 мингдан ортиқ овоз йиғди. Улардан бири 23 ёшли Камола Абдилдаева — РУДН университети талабаси. Иккинчи ўзбекистонлик иштирокчи — 25 ёшли урганчлик Рушана Каримова.
Танловда ҳозирда Россияда бўлган вояга етган мигрант қизлар иштирок этиши мумкин.
Танловнинг ярим финалида жами 7 нафар ўзбекистонлик қиз иштирок этди. Тожикистон, Қирғизистон, Украина, Туркманистон, Қозоғистон ва Сенегал гўзаллари уларга рақиб бўлди.
Маълумот учун, "Мисс ФМР" финали 9 октябрь куни Москвада бўлиб ўтади.
Танловда уч нафар финалчи "Мисс ФМР", "Вице-мисс ФМР" ва "Томошабинлар эътирофи" номинацияси бўйича мукофот олади.
Мигрант аёллар ўртасида ўтказиладиган гўзаллик танлови бу йил иккинчи марта ўтказилмоқда. Ўтган йили тожикистонлик Фотима Каладорова ғолиб бўлганди, "Вице-мисс" номинацияси ғолиблигини Россиянинг Тува республикасидан Диана Бадирги қўлга киритди, “Томошабинлар эътирофи” эса қирғизистонлик Камила Полотбековага насиб қилганди.
