Ўзбекистонда 30 сентябрь ҳолатига кўра, эмланиши кўзда тутилган аҳолининг 53,6 фоизи коронавирусга қарши биринчи доза вакциналарини олиб бўлди.
ССВ маълумотларига кўра, эмланиши кўзда тутилган 18 ёшдан юқори бўлган аҳоли сони қарийб 21,5 миллион нафарни ташкил этади. Вакцинация жараёни бошланганидан бери ўтган олти ой мобайнида жами 11 миллион 491 минг 111 нафар аҳоли биринчи доза вакциналари билан эмланган.
Олти ой давомида 4 миллион 539 минг 621 нафар фуқаро коронавирусга қарши барча босчиқларда эмлаб бўлинган. Шундай қилиб, мамлакатда эмланиши режалаштирилган аҳолининг 21,2 фоизи тўлиқ эмланди.
Тўлиқ эмланган аҳолининг 534 минг нафардан зиёдини 65 ёшдан ошганлар, 478 минг нафардан ортиғини эса сурункали касаллиги бор фуқаролар ташкил этади.
- 218 минг нафардан ортиқ юртдошимиз "Sputnik V" вакцинаси билан тўлиқ эмланган
Ярим йил давомида умумий ҳисобда, 30 сентябрь ҳолатига кўра, 447 855 доза “Sputnik V” вакцинаси эмлаш жараёнларида қўлланилди.
Айни пайтда 218 минг нафардан ортиқ юртдошимиз "Sputnik V" вакцинаси билан тўлиқ эмланган.
Россияда ишлаб чиқарилган ушбу вакцина биринчи ва иккинчи босқичда эмлаш учун алоҳида-алоҳида компонентларга эга бўлиб, 1-доза учун келтирилган компонентни 2-доза учун қўллаш мумкин эмас.
- 1 125 557 доза AstraZeneca вакцинаси эмлаш жараёнида қўлланилди
Ярим йил давомида жами қўлланилган вакцинанинг 5 фоизини AstraZeneca ташкил қилмоқда.
Умумий ҳисобда қўлланилган AstraZeneca вакцинаси 1 125 557 дозага етган.
Айни пайтда 462 минг нафардан ортиқ юртдошимиз AstraZeneca вакцинаси билан тўлиқ эмланган.
