1 октябрь куни соат 11:30 чамасида Қумқўрғон тумани, "Ғалаба" маҳалласидан ўтувчи йўлда ўлим натижасига эга автоҳалокат содир бўлган.
Ҳалокат натижасида йўлдан ўтаётган 5 ёшли қиз "Lacetti" уриб юбориши оқибатида вафот этган.
Бу ҳақда вилоят ЙҲХБ матбуот хизмати хабар бермоқда.
2016 йилда туғилган қиз онаси ҳамроҳлигида танишининг уйидан чиқаётганида йўлнинг нариги бетида отасининг машинасини кўриб қолади. Машина ёнига бориш учун йўлни кесиб ўтаётган вақтида ўз йўналишида ҳаракатланиб кетаётган "Lacetti" қизчани уриб юборади.
Онанинг эътиборсизлиги ва машина тезлигининг юқорилиги оқибатида қизча оғир тан жароҳатлари туфайли вафот этган.
Йўл ҳолати ўрганилганда давлат аҳамиятидаги йўл бўлганига қарамай, икки томонга ажратувчи йўл ётиқ чизиқлари мавжуд эмаслиги, аммо йўл белгилари ўрнатилгани аниқланган ва яқин орада камчиликлар тўғриланиши таъкидланган.
