Ташқи меҳнат миграцияси агентлиги бошлиғининг биринчи ўринбосари А.Ирматовнинг Корея Республикасидаги ташрифи давомида Кореянинг Инсон ресурсларини ривожлантириш хизмати вице-президенти билан учрашув ўтказилиб, унда Е-9 виза тасдиқномаси муддати ва танловлар базасидаги 2 йиллик муддати тугаётган (шартнома кутаётганлар) фуқароларга қўшимча муддат бериш масаласи муҳокама қилинган эди.
Музокаралар натижасида Корея томонидан COVID-19 пандемияси сабабли Корея Бандлик ва меҳнат вазирлиги имтиҳондан ўтган номзодлар учун баллик тизимнинг амал қилиш муддати 2 йилдан ошганлиги сабабли қайта рўйхатдан ўтолмайдиган ишчиларнинг танловлар базасидаги 2 йиллик амал қилиш муддати узайтирилгани маълум қилинди.
Унга кўра, 2021 йил 1 июлдан 30 сентябргача амал қилиш муддати мавжуд бўлган номзодларга 2021 йил 1 октябрдан 6 ой қўшиб берилади.
Шунингдек, жорий йилнинг 1 октябридан 31 декабригача 2 йиллик амал қилиш муддати тугайдиган номзодларга муддати тугаган санадан бошлаб 6 ой қўшиб берилади.
