Коронавируснинг «Альфа» ва «Дельта» каби янги вариантлари одамларга унинг дастлабки вариантига қараганда тезроқ юқади. Бу борада ўтказилган иккита янги тадқиқот бунга қуйидагича изоҳ беради: вирус ҳаво орқали янада самаралироқ тарқалиш учун ривожланмоқда.
Ҳозирги кун тадқиқотчиларининг кўпи коронавирус, асосан, ерга тез тушадиган йирик томчилар ҳамда бино ичида узоқ масофаларга ҳаракатлана олувчи ва вирус энг катта хавф туғдирадиган аъзо — ўпкага жойлашиши мумкин бўлган аэрозоллар деб аталадиган, майдароқ томчилар орқали юқади деган тўхтамга келишмоқда.
Аллергия ва юқумли касалликлар миллий институти вирусологи, янги тадқиқотлардан бирини бошқарган Винсент Мюнстер таъкидлаб ўтганидек: «Бу вируснинг янада самаралироқ юқиш учун ривожланган версиясига ўхшайди, ўйлайманки, ҳаммамиз буни кутганмиз ва ҳозирда амалда кўриб турибмиз».
Доктор Мюнстер жамоаси кичик аэрозоллар катта томчиларга ва «Альфа» ёки биринчи бўлиб Буюк Британияда аниқланган В.1.1.7 га қараганда анча катта масофани босиб ўтишини кўрсатди. Иккинчи тадқиқот эса «Альфа» билан касалланган одамлар вируснинг дастлабки вариантлари билан касалланганларга қараганда нафас чиқариш орқали тахминан 43 баробар кўпроқ вирус тарқатишини намойиш этди.
«Бу, вирус ҳаво орқали янада самаралироқ тарқалиш учун ривожланаётганидан далолат беради", — дейди Виржиния Технология институтининг ҳаво-томчи йўллари орқали юқадиган вируслар бўйича мутахассиси Линси Марр.
