Сирдарё вилояти Мажбурий ижро бюроси берган маълумотга кўра, Боёвут туманида 3 нафар фарзандли оила қайта тикланди.
Қайд этилишича, вилоят Мажбурий ижро бюроси Боёвут тумани бўлимига фуқаролик ишлари бўйича Боёвут туманлараро судининг 2021 йил 26 мартдаги ижро варақасига асосан, қарздор М.М.дан ундирувчи Ш.Ж. фойдасига 2014, 2017, 2018 йилларда туғилган уч нафар вояга етмаган фарзандлари моддий таъминоти учун ҳар ой жами даромадининг 1/2 қисми миқдорида алимент ундириш тўғрисида ижро ҳужжати келиб тушган.
– Алимент тўловлари ойма-ой тўлаб келинган бўлсада, давлат ижрочилари томонидан эр-хотин ўртасида тушунтириш ишлари ўтказилди, – дейди Бюронинг Боёвут тумани бўлими давлат ижрочиси Бекзод Ибрагимов.
Ўтказилган тушунтириш ишларидан сўнг оила тикланган.
