Қурилишда ишлаётган кўтарма кран қулаб тушди. Самарқанд вилояти ИИБ Ахборот хизматининг маълум қилишича, ҳодиса оқибатида жароҳат олганлар йўқ.
2021-йилнинг 13-октябр куни соат 14:30 ларда Каттақўрғон шаҳрининг Улуғбек Барноев кўчасида қурилаётган кўп қаватли уйларни қуришда фойдаланилаётган кўтарма кран транспорти юк оғирлигини кўтара олмай қулаб тушган.
Ҳодиса натижасида кран ҳайдовчиси 1991-йилда туғилган Н.Т. шаҳар тиббиёт бирлашмасига юборилиб, биринчи тиббий ёрдам кўрсатилган. Ҳозирда ҳайдовчининг аҳволи яхши.
Ҳолат юзасидан терговга қадар текширув ҳаракатлари олиб борилмоқда.
