Жорий йилнинг 28 октябрь куни Коррупцияга қарши курашиш агентлиги директори А.Бурханов Буюк Британиянинг Ўзбекистондаги Фавқулодда ва Мухтор Элчиси жаноб Тим Торлотни қабул қилди. Бу ҳақда агентлик "Даракчи"га маълум қилди.
Қайд этилишича, учрашувда агентлик ва дипломатик ваколатхона ўртасидаги ҳамкорлик истиқболлари муҳокама қилинган.
Шунингдек, маълумотга кўра йиғилишда Ҳукуматлараро Ҳамкорлик Хизматининг Ўзбекистондаги Лойиҳалар менежери Майкл Галлахер ҳам (онлайн) иштирок этган.
Якунда агентлик, Буюк Британиянинг Ўзбекистондаги дипломатик ваколатхонаси ва Ҳукуматлараро Ҳамкорлик Хизмати ўртасида ўзаро англашув Меморандуми имзоланган, томонлар келгусида ҳамкорликни ривожлантириш юзасидан келишувга эришишган.
Эндиликда меморандум доирасида давлат органлари ҳисобдорлигини ошириш, очиқлик ва шаффофлигини таъминлаш, давлат хизматига ҳалоллик стандартларини жорий этиш ҳамда идора фаолиятида маълумотлар билан ишлаш ва самарали бошқарув каби масалалар бўйича ҳамкорлик қилинади.
