Сурхондарё вилояти Шеробод туманида ҳаракатланиш пайтида бошқарувни йўқотиб йўл четидаги газ қувурига урилган Дамас ёниб кетди.
Маълум қилинишича, 2021 йил 24 октябр куни соат 5:40ларда М39 Алмати-Тошкент-Термиз халқаро автомобил йўлининг Шеробод тумани Қўрғон маҳалласи ҳудудидан ўтган 1102-километрида Дамас машинаси ёниб кетган.
Шеробод тумани Фавқулодда вазиятлар бўлимига соат 5:40да ёнғин ҳақида хабар келиб тушган. Ҳодиса жойига ёнғин қутқарув бўлинмаси 5:45да етиб борган. 5:56да ёнғин ўчирилган. Аммо унгача Дамас машинасининг салони ва кузов қисми ёниб кетган.
Дастлабки суриштирувда аниқланишича, Шеробод тумани Қорабоғ маҳалласида яшовчи 1998 йилда туғилган А.М. бошқарувида бўлган Дамас бошқарувни йўқотган. Сўнг йўл четидаги газ қувурига урилиб чақнаш оқибатида ёниб кетган.
Қайд этилишича, мазкур ҳодисада ҳеч ким жабрланмаган ва вафот этмаган.
