Санкт-Петербургда қарийб 1 миллион рублни ўғирлагани учун қидирувда бўлган 55 ёшли Ўзбекистон фуқароси қўлга олинди.
Аёл йирик миқдордаги фирибгарликда айбланмоқда.
Бу ҳақда "78.ru" ахборот сайти хабар берди.
Аниқланишича, у 2018 йил август ойида уйда бўлган вақтида дугонасига уйни расмийлаштириб беришни ваъда қилиб, ундан 13,5 минг доллар (900 минг рубль) пулини олган, бироқ ваъдасини бажармай, пулларни ўзлаштириб, сарфлаб юборган.
Аёл ҳуқуқ-тартибот идоралари ходимлари томонидан ҳибсга олинган. Қидирув ташаббускорига эса шу вақтнинг ўзида дугонасининг қўлга олингани ҳақида маълум қилинган.
