Тадбиркорлик фаолиятини бошлаш ниятидаги фуқаронинг 23 000 АҚШ долларини қўлга киритган фирибгар аниқланди, дея хабар бермоқда Бош прокуратура ҳузуридаги Департамент.
Маълум қилинишича, Департаментнинг Самарқанд туман бўлими томонидан ўтказилган терговга қадар текширувда, фуқаро А.А. тадбиркорлик фаолиятини йўлга қўйиш истагида бўлган фуқаро К.нинг ишончига кириб, унга “Дахбет сув иншооти” корхонасига қарашли 0,21 гектар ер майдонини ўзига тегишли эканлигини айтиб, ушбу жойда ишлаб чиқариш цехи қуриш учун ҳужжатларини расмийлаштириб бериш эвазига 23 100 АҚШ долларини фирибгарлик йўли билан қўлга киритганлиги аниқланиб, шундан 1 500 АҚШ долларини ихтиёрий равишда қайтарганлиги процессуал тартибда расмийлаштирилган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
