Sevimli

ЎзДЖТУ лицейи директори ўринбосари 1500 доллар пора олаётганда қўлга тушди

ЖАМИЯТ 22.04.2016, 14:28
Теглар: Доллар
ЎзДЖТУ лицейи директори ўринбосари 1500 доллар пора олаётганда қўлга тушди

Ўзбекистон Давлат Жаҳон тиллари университети қошидаги академик лицей директори ўринбосари бир ўқувчини қабул қилиш учун ана шунча пора талаб қилган.

Қонун ва қонуности ҳужжатлари бизни ҳар лаҳза яхшиликка етакловчи йуриқномадир. Мана шу оддий ҳақиқатни Жаҳон тиллари университети қошидаги академик лицей директорининг ўринбосари Элмурод Бакиров (исм-фамилиялар ўзгартирилган) теран англамаган зкан. У буни тушунганда эди, оддий даргоҳда ишлаб туриб, жиноятга қўл урмасди. “Ҳуқуқ” газетасининг 13-сонида бу ҳақда батафсил келтирилган.

Ўтган йилнинг август ойи бошларида академик лицей директори ўқув даргоҳи хо-димларини тўплаб, йиғилиш ўтказади. Унда ўқувчиларни лицейга қабул қилиш жараёни тугаганлигини эълон қилади ва бу ҳақдаги буйруқни барчага ўқиб эшиттиради. Э.Бакиров мазкур йиғилишда мажлислар залининг олди қаторларида ўтирган эди.

Хуллас, орадан бир неча кун ўтиб, фуқаро Х.Хайитов жиянини мазкур лицейга ўқишга ки-ритиш учун Э.Бакировга учрашади, ўзаро суҳбат жараёнида директор ўринбосари ўқишга қабул қилиш тугалланганлигини айтиб, Х.Хайитовга қонуний маслаҳат бериш ўрнига, фирибгарлик йўли билан уни алдайди.

— Энди дўстим, гaп бундай, — узоқдан гaп бошлади Э.Бакиров, — Лицейимизда ўқиш учун талабгор кўп, қолаверса, бўш ўринлар деярли қолмаган. "Хизмат"имизга кўнсангиз, иложини қиламиз.

Ишорани дарҳол тушунган Х.Хайитов бироз ўйланиб туриб;

— Ака қанча бўлади, жияним шу ерда ўқиса, бўлди, — деди.

Э.Бакиров кўрсаткич бармоғини бурнига секин қўйди.

— Секинроқде, паст овозда гапирсангиз ҳам эшитаман.

Директор ўринбосари столи устида турган сариқ ёпишқоқ қоғозлардан бирини ажратиб олди-да, унга "1500, кўкида", деб ёзиб, унинг олдига аста суриб қўйди.

— Тушундим, шу билан иш битадими? — дея Х.Хайитов директор ўринбосарига назар ташлаган эди, у бошини аста қимирлатди.

Х.Хайитов ваъда беришга берди-ю, ўйланиб қолди. Хонадан чиқиб, ўқув даргоҳини тарк этгунига қадар турли хаёллар гирдобида қолди. Шу вақтда у ўз ҳаракатлари билан қонунларимизни бузаётганлигини тушунди. Шундан сўнг у директор ўринбосарининг но-қонуний хатти-ҳаракатлари хусусида ҳуқуқни муҳофаза қилувчи органларга мурожаат қилди.

СВОЖЖДЛҚК департаментининг Тошкент шаҳар бошқармаси ходимлари томонидан ўтказилган тадбирда Э.Бакиров хизмат хонасида Х.Хайитовдан 1500 АҚШ долларини олган вақтида қўлга олинди.

Жиноят ишлари бўйича Яккасарой туман суди Э.Бакировга нисбатан қилмишига яраша жазо тайинлаб, ҳукм чиқарди.

СУД ИЖРО БЎЛИМИДА ФОШ БЎЛГАН ПОРАХЎРЛИК

Ёхуд жамоатчи ходимга суммани камайтириш учун қистирилган “харажат”

Порахўрлик, тамагирлик ва коррупция каби иллатлар тузоғига осонгина илиниб, унинг оқибатига ғарқ бўлаётганлар ҳали ҳамон орамизда учраб турибди. Буни “Ҳуқуқ” газетасининг 13-сонида чоп этилган бир порахўрлик жинояти мисолида ҳам кўриш мумкин.

Фуқаро Зарина Махаматовага (исм-фамилиялар ўзгартирилган) нисбатан юритилган ижро ҳужжати бўйича суд ижрочиларининг Чирчиқ шаҳар бўлими томонидан 2 млн. 403 минг 968 сўм миқдоридаги давлат божи ундириладиган бўлди. Ушбу пулни тўламаслик мақсадида унинг қизи Сабина Махаматова суд ижрочилари Чирчиқ шаҳар бўлимида жамоатчи ходим сифатида фаолият кўрсатиб келган А.Содиқовга учрашади ва ундан бу суммани камайтириб беришни сўрайди. А.Содиқов эса бу ишни амалга оширишнинг ўзига яраша "харажат"и борлигини қистириб ўтади. Яъни у 800 минг сўм берса, бу иш кеч қандай харажатсиз битишини айтади. Бироқ А.Содиқов мақсадига эриша олмади. Қонунбузарнинг қилмиши ҳуқуқни муҳофаза қилувчи органлар томонидан ўтказилган тезкор тадбирда фош этилди ва унга суд томонидан тегишли жазо тайинланди.

Шарҳлар

Ўзбекистонда хорижий валюталарнинг сўмга нисбатан қиймати ошди

14.09.2021, 17:36

Марказий банк 15 сентябрдан хорижий валюталарнинг ўзбек сўмига нисбатан янги қийматини белгилади. Бу ҳақда Марказий Банк Матбуот хизмати маълум қилди.Унга кўра, долларнинг расмий курси 34.93...
Ўзбекистонда хорижий валюталарнинг сўмга нисбатан қиймати ошди

30.08.2021, 16:13

Ўзбекистон Республикаси Марказий банки хорижий валюталарнинг сўмга нисбатан янги қийматини белгилади.Унга кўра, долларнинг расмий курси 1.29 сўмга ошди ва бир доллар 10 653.18 сўмни ташкил...
Ўзбекистонда долларнинг сўмга нисбатан қиймати тушди, евро эса қимматлашди

16.08.2021, 17:03

Марказий банк 17 августдан хорижий валюталарнинг ўзбек сўмига нисбатан янги қийматини белгилади.Унга кўра, АҚШ долларининг расмий курси 23,00 сўмга пастлаб, 10 660,00 сўмга етди.Евро курси...
Ўзбекистонда доллар яна ошди, евро арзонлашишда давом этмоқда

11.08.2021, 16:16

Марказий банк 12 августдан хорижий валюталарнинг ўзбек сўмига нисбатан янги қийматини белгилади.Унга кўра, АҚШ долларининг расмий курси +9,03 сўмга юқорилаб, 10 660,03 сўмга етди.Евро курси...
Кун мавзуси: коронавирус
Об-ҳаво: Тошкент
+24.97° очиқ ҳаво
Валюта курси
10850.10
USD -15.84
11344.86
EUR 11.68
198.99
RUB -8.28
1