“Бош вазир кубоги”да чорак финалчилар маълум

Мамлакатимиздаги вазирлик, идора ва юқори турувчи ташкилотларнинг марказий аппарати ходимлари ўртасида соғлом турмуш тарзини кенг тарғиб қилиш ҳамда оммавий спортни янада ривожлантириш мақсадида ўтказилаётган “Бош вазир кубоги” мусобасининг чорак финалида тўп сурувчи жамоалар номи тўлиқ маълум бўлди.

Нимчорак финал доирасида жами 16 та жамоа қуръ рўбару қилган рақиблари билан ўйинларини ўтказишди. Нимчорак финал натижалари:

Туризм ва спорт вазирлиги – МТРК – 3:0 (техник мағлубият);

Инвестиция ва ташқи савдо вазирлиги – Олий суд – 0:3;

Давлат божхона қўмитаси – Марказий банк – 6:0;

Агро марказ – Олий Мажлис Қонунчилик палатаси – 8:0;

Давлат тест маркази – Инновация вазирлиги – 0:3;

Агроинспекция – Молия вазирлиги – 0:3 (техник мағлубият);

Ахборот технологиялари ва коммуникацияларини ривожлантириш вазирлиги – Ўрмон хўжалиги давлат қўмитаси – 4:0;

Ташқи ишлар вазирлиги – Давлат солиқ қўмитаси – 0:4;

Бугун, 9-ноябр куни мусобақанинг чорак финали доирасида қуйидаги жуфтликлар ўзаро ҳисоб китоб қилишади:

Туризм ва спорт вазирлиги – Олий суд.

Давлат божхона қўмитаси – Агро марказ.

Инновация вазирлиги – Молия вазирлиги.

Ахборот технологиялари ва коммуникацияларини ривожлантириш вазирлиги – Давлат солиқ қўмитаси.

Эслатиб ўтамиз, футбол бўйича “Бош вазир кубоги” мусобақаси Ўзбекистон Республикаси Президентининг 2019-йил 4-декабрдаги “Ўзбекистонда футболни ривожлантиришни мутлақо янги босқичга олиб чиқиш чора-тадбирлари тўғрисида”ги Фармонига мувофиқ уч йилдан буён ўтказилмоқда.