Бош прокуратура ҳузуридаги Департаментнинг Учтепа туман бўлими томонидан “The Procter & Gamble” компанияси ишончли вакилининг мурожаатига асосан ўтказилган тезкор тадбирда, ЯТТ “С.Х.” тегишли ҳужжатлари бўлмаган 162 дона “Ariel”, “Tide”, “Persil” ва “Миф” номли кир ювиш кукунларини харидор Ф.га 10,6 млн сўмга сотган вақтида ушланган.
Тадбир давомида, С.Х. ушбу кир ювиш кукунларини яширин ишлаб чиқариб, қадоқлаб сотиш билан шуғулланиб келганлиги аниқланиб, ҳар бири 2, 3 ва 6 кг. дан қадоқланган жами 234 дона “Ariel”, “Tide” ва “Миф”номли ва 3 дона полиэтилен қопда ҳар бири 30 кг. бўлган “Шабнам” номли кир ювиш кукунлари ва 200 дона ҳар хил номдаги кир ювиш кукунлари қоплари ҳамда қадоқлаш ускунаси ашёвий далил сифатида олинган.
Шунингдек, “The Procter & Gamble" компанияси хулосасига кўра, юқоридаги кир ювиш кукунлар компания томонидан ишлаб чиқарилмаганлиги ҳамда маҳсулот қадоқларидаги код рақамлари қалбаки эканлиги қайд этилган.
Мазкур ҳолат юзасидан Жиноят кодексининг 149-моддаси (муаллифлик ёки ихтирочилик ҳуқуқларини бузиш) билан жиноят иши қўзғатилиб, тергов ҳаракатлари ўтказилмоқда.
