Давлатимиз раҳбари Одри Азулега унинг ЮНЕСКО Бош директори лавозимига қайта сайлангани муносабати билан самимий табриклари ва энг эзгу тилакларини билдирди. Бу ҳақда Президент Матбуот хизмати хабар берди.
"Номзодингиз кенг қўллаб-қувватлангани тинчликни таъминлаш ва Барқарор ривожланиш мақсадларига эришиш борасидаги фаол саъй-ҳаракатларингиз ва Ташкилотингиз қўшаётган катта ҳиссанинг навбатдаги тасдиғи бўлди.
Сизнинг ушбу лавозимдаги муваффақиятли ва натижадор фаолиятингиз, Сиз томондан илгари сурилаётган муҳим ташаббуслар ва гуманитар лойиҳалар пандемия даврида ЮНЕСКОнинг мувофиқлаштирувчи сифатидаги ўрни мустаҳкамланиши ва халқаро нуфузи юксалишига хизмат қилди", дейилади, жумладан, мактубда.
Мамлакатимиз етакчиси Ўзбекистон ва ЮНЕСКО ўртасидаги яқин ва кўп қиррали муносабатларни кенгайтиришга ЮНЕСКО Бош директори томонидан алоҳида эътибор қаратилаётганини юксак қадрлашини таъкидлади.
"Очиқ ва сермаҳсул учрашувларимиз шериклигимизнинг салоҳиятини рўёбга чиқариш ва кенг қамровли мамлакат дастурини амалга оширишга киришишга имкон бергани ҳақидаги фикрингизга тўлиқ қўшиламан.
Сизнинг кўмагингиз билан "Хива жараёни" - Ташкилот фаолиятининг бутун кун тартиби бўйича Марказий Осиёда халқаро ҳамкорликнинг янги платформаси ишга туширилди. Ушбу ташаббус минтақамизда ЮНЕСКО билан амалий ҳамкорликнинг кенгайиши ва муҳим вазифаларнинг илгари сурилишига хизмат қилиши шубҳасиз", дейилади мактубда.
Мактуб якунида давлатимиз раҳбари унинг Ўзбекистон Республикаси Президенти лавозимига қайта сайлангани муносабати билан йўлланган табрик ва илиқ тилаклар учун Одри Азулега миннатдорлик билдириб, унга мустаҳкам соғлик ва олижаноб фаолиятига катта муваффақиятлар тилади.
21.10.2022, 13:45
Туркманистонга расмий ташриф доирасида Ўзбекистон Президенти Шавкат Мирзиёев ушбу мамлакат Парламентининг юқори палатаси раиси Гурбангули Бердимуҳамедов билан учрашди, дея хабар бермоқда Прехидент матбуот хизмати. Давлатимиз раҳбари...13.10.2022, 11:20
Ўзбекистон Президенти Шавкат Мирзиёев Остона шаҳрида бўлиб ўтаётган Осиёда ҳамкорлик ва ишонч чоралари бўйича кенгаш VI саммитида нутқ сўзлади. Ўзбекистон раҳбари Афғонистондаги вазиятни ҳал этиш ва...29.08.2022, 11:46
Аввал хабар қилганимиздек, Бугун Президент Шавкат Мирзиёев Урганч шаҳрида буюк саркарда ва давлат арбоби Жалолиддин Мангуберди ҳайкалининг тантанали очилиш маросимида иштирок этиш учун Хоразм вилоятига...17.08.2022, 16:42
Саудия Арабистони Подшоҳи Салмон бин Абдулазиз Ол Сауднинг таклифига биноан ушбу мамлакатга борган Ўзбекистон Республикаси Президенти Шавкат Мирзиёев ташрифни Мадинаи мунаввара зиёратидан бошлади. Ўзбекистон раҳбари Мадина...