“Тошкент вилояти телерадиоканалини ташкил этиш тўғрисида”ги Президент қарори (ПҚ-18-сон, 18.11.2021 й.) қабул қилинди. Бу ҳақда Адлия вазирлиги хабар бермоқда.
Қарор билан Тошкент вилояти телерадиоканали – “Nurafshon TV” ташкил этилди.
Телеканал Тошкент вилоятида ислоҳотларни амалга оширишга тўсиқ бўлаётган омилларни кенг жамоатчилик муҳокамасига олиб чиқади жамоатчилик назоратини ўрнатади.
МТРК ва “Nurafshon TV”ни технологик жиҳозлаш учун олиб кириладиган мультимедиа, радиотелевизион ускуналар, материаллар, дастурий таъминот ва эҳтиёт қисмлар 2024 йил 1 январгача божхона божидан озод қилинди.
“Yoshlar”, “Navo” ва “Kinoteatr” телеканаллари ихтисослаштирилган реклама хусусиятига эга бўлган канал сифатида фаолият кўрсатади.
“Ўзбекистон” телерадиоканалида “Қишлоқ хўжалиги” таҳририяти ташкил этилади.
