Наманган вилояти Чортоқ туманида икки эркак ўртасида юзага келган жанжални тўхтатишга уринган профилактика инспектори пичоқланди. Бу ҳақда вилоят ИИБ матбуот хизмати хабар берди.
Маълум бўлишича, фуқаролардан бири танишига 2020 йил декабрь ойида 4,5 миллион сўм қарз берган. Бироқ у салкам бир йилдан буён қарзини қайтариб ололмагани сабаб туман ИИБга мурожаат қилиб, пулни ундириб беришни сўраган.
Профилактика катта инспектори капитан О.Б. аризачи билан қарздорнинг уйига бориб, вазиятни тушунтирган.
Қарздор ички ишлар бўлимига бориши кераклигини эшитгач, уйига кириб кетиб, ошхона пичоғи билан чиққан ва танишига ташланган. Икки эркакни ажратишга уринган инспекторга пичоқ орқали жароҳат етказилган. Ўғир тан жароҳати олган ходим аризачининг машинасида туман тиббиёт бирлашмасига олиб келинган.
Кўрсатилган тезкор ёрдам натижасида инспекторнинг ҳаёти сақлаб қолинган.
