Салоҳ учун асосий даъвогар маълум бўлди

"Ливерпуль" ҳужумчиси Муҳаммад Салоҳ келаси йил ёзида жамоасини алмаштириши мумкин. Бу ҳақда The Sun хабар берди. 

Қайд этилишича, Мадриднинг "Реал" клуби мисрлик ҳужумчи учун асосий даъвогарлардан бири бўлиб турибди. "Қироллик" клуби Салоҳни сотиб олиш бўйича таклиф тайёрламоқда. 

Ўз навбатида "Ливерпуль" ҳам Салоҳни ўз сафида сақлаб қолиш истагида унга янги шартнома таклиф этмоқчи. Янги битим орқали "қизиллар" Муҳаммадни АПЛда энг кўп маош олувчи футболчига айлантирмоқчи.