Tesla компанияси раҳбари Илон Маск компания акцияларининг тушиши оқибатида жиддий зарар кўрган. Бу хақда Bloomberg хабар берди.
Манбада айтилишича, Маск компания акцияларининг арзонлаши оқибатида 15,2 миллиард доллар йўқотган. Натижада, унинг бойлиги 268,9 млрд долларга қадар камайгани айтилмоқда.
Иқтисодчиларнинг маълум қилишича, АҚШнинг энг бой 10 нафар инсонлари умумий ҳисобда 27,4 миллиард доллар йўқотган, жумладан, Маск бу рўйхатда етакчи.
Аввалроқ тадбиркор солиқ туфайли ўз акцияларини сотишни бошлаган эди. Бу орқали эса у ўз бойлигини янада кўпайтириб олгани борасида маълумотлар пайдо бўлганди.
