2021-йилнинг 19-20-декабр кунлари Ўзбекистон Республикаси Ташқи ишлар вазири Абдулазиз Камилов “Ҳиндистон – Марказий Осиё” мулоқоти ташқи ишлар идоралари раҳбарларининг учинчи йиғилишида иштирок этиш учун Деҳли шаҳрига ташриф буюради. Бу ҳақда Ташқи ишлар вазирлиги матбуот хизмати хабар берди.
Тадбир иштирокчилари Ҳиндистон ва Марказий Осиё мамлакатлари ўртасидаги ҳамкорлик масалалари, Мулоқотнинг институционал асосларини мустаҳкамлаш ва кенгайтириш истиқболлари, минтақалараро ўзаро алоқаларни чуқурлаштириш имкониятларини муҳокама қиладилар.
