“UzAuto Motors” 2021 йил 5-17 декабрда ишлаб чиқарилган Nexia, Cobalt va Lacetti автомобилларини чақириб олиш дастурини эълон қилади. Бу ҳақда компания Матбуот хизмати хабар бермоқда.
Маълум қилинишчиа, “UzAuto Motors” ишлаб чиқарилаётган автомобиллар сифати ва мижозлар талабини қондиришни ўзининг асосий устувор вазифаси деб билади. “UzAuto Motors” АЖ бош директори Бо Андерссон бу йил компанияга келганида сифатни кескин оширишни ва ҳар қандай камчиликларга мутлақо муросасиз муносабатда бўлишни эълон қилди.
“Чақириб олиш” дастури автомобилларнинг орқа ойна иситиш тизимини текшириш зарурати билан боғлиқ.
Барча ишлар "UzAuto Motors” АЖ ходимлари томонидан дилерлик марказларининг сервис хизматида ишлаб чиқарувчининг маблағлари ҳисобидан амалга оширилади.
Автомобиллари чақириб олиш дастурига тўғри келган барча автомобиль эгалари дилерлик марказлари ёки компания томонидан огоҳлантирилади, дейилган хабарда.
Эслатиб ўтамиз, UzAuto Motors 20.12.2021 дан 01.02.22 гача муддатига Nexia, Spark, Cobalt, Lacetti автомобилларини сотиш бўйича янги аризалар қабул қилишни тўхтатди.
