Ижтимоий тармоқларда "Фарғонадаги хонадонда газ портлаши оқибатида оиланинг 4 нафар аъзоси куйиш жароҳати билан шифохонага ётқизилди" деб номланган хабар тарқалди.
Фавқулодда вазиятлар вазирилигининг маълумотига кўра, жорий йилнинг 19 декабрь куни соат 05:45 да. Қўқон шаҳар “5-Вақф Чорсу” МФЙ, Бархаёт кўчаси 20-уйда газ-ҳаво аралашмаси чақнаши содир бўлган.
Воқеа юзасидан ўрганишлар натижасида, яшаш хонадонининг 1-қаватига ўрнатилган, резина шланг билан уланган, қўл бола услубда ясалган иситиш печидан газ сизиб чиққан. Фуқаро табиий газ хидини сезмай эрталаб соат 05:45 да хона чироғини ёқиши оқибатида ҳаво-газ аралашмасининг чақнаши содир бўлган. Натижада 4 нафар хонадон эгалари турли хил даражадаги куйиш тан жароҳати олган . Ҳозирда холат юзасидан тегишли соҳа ходимлари томонидан суриштирув ишлари олиб борилмоқда.
