Польша пойтахти Варшава шаҳрида ўтказилаётган шахматнинг рапид ва блис йўналишлари бўйича ФИДЕ жаҳон чемпионатида бугун рапид йўналиши ғолиби аниқланади.
Якунига етган 12-турдан кейин Нодирбек Абдусатторов ҳамон пешқадам бўлиб турибди. Сўнгги турда ҳамюртимиз ҳиндистонлик Гукеш билан дуранг ўйнади. 19-юришда Нодирбек қўпол хатога йўл қўйди ва кейинроқ мураккаб вазиятга тушиб қолди. Ҳатто 23-юришдаги хатодан кейин компютер дастурлари оқларнинг 100%лик ғалабасини тахмин қилишаётган эди. Аммо Нодирбек сўнгги паллада мағлубиятдан қутилиб қолди. Ҳа, шахмат шуниси билан қизиқ.
12-турдан кейин ҳамюртимиз 9 очко тўплаб турнирда қўшҳокимлик қилмоқда. Норвегиялик Магнус Карлсен, АҚШ вакили Фабиано Каруана ҳамда россиялик Ян Непомняшийлар ҳам худди шунча очкога эга.
