Кеча, 3 январь куни Исроилда қайта вакциналаш бошланди.
Мамлакатда қўлланиладиган Pfizer вакцинасининг тўртинчи дозасига номзодлар орасида 60 ёшдан ошган одамлар ва тиббиёт ходимлари борлиги айтилади. Бу ҳақда Euronews ёзмоқда.
Қайд этилишича, аввалига мамлакат Соғлиқни сақлаш вазирлиги учинчи ва тўртинчи дозалар ўртасида камида 4 ой ўтиши кераклигини таъкидлайди. 30 декабрь куни эма иммунитети пасайган одамлар учун препаратнинг қўшимча кучайтирувчи дозаси юборилган. Биринчи қайта эмланганлардан бири 70 ёшли Тел-Авивлик Жейкоб Зилберман бўлган: "Бугун мен вакцинанинг тўртинчи дозасини олиш учун келдим. Тўрт йил олдин менда буйрагимни кўчириб ўтказдим. Навбатдаги вакцина эса мен учун соғлиғимни ҳимоя қилиш имкониятидир. Эрта тонгдан биринчилардан бўлиб эмлаш учун етиб келдим",-дейди у.
Расмийлар яқин кунларда мамлакатда 50 минг инфекция ҳолати аниқланишига тайёргарлик кўришаётганини билдирган. Бош вазир Нафтали Беннет бир ҳафта ичида ижобий тестлар сони анчагина ошганини айтади.
Соураский тиббиёт марказидан доктор Идан Миличер ҳам тўртинчи дозани олди:
"Биринчидан, менга шундай имконият берилгани учун келдим ва мен ҳам беморларимни ҳимоя қилишни хоҳлайман. Шунингдек, оилам, хотиним ва болаларимни ҳам. Агар бутун аҳоли эмланса, 2022 йилда пандемиясини ютамиз, деб ўйлайман",-дейди доктор.
