Жаҳон Соғлиқни сақлаш ташкилотининг коронавирус бўйича махсус вакили Дэвид Набарро 2022 йилда COVID-19 билан боғлиқ мураккаб вазият якун топишини тахмин қилди.
"Биз марафонни босиб ўтмоқдамиз. Биз ўша марафоннинг охиридамиз дея оламан. Унга тўлиқ етиб боргунимизча бир нечта тўлқинларни бошдан кечирамиз", - деди Набарро.
Шунингдек, махсус вакил коронавируснинг кейинги тўлқинлари ҳам аввалгилари каби жиддий бўлишини қўшимча қилди.
"Назаримда, вируснинг авж олиш жараёни давом этади ва унга тўлиқ тайёр бўлишимиз керак", - дея Набарро сўзларидан келтирмоқда Sky News.
