АОКАда Маҳалла ва оилани қўллаб-қувватлаш вазирлиги ахборот хизмати раҳбари Саодат Боймирзаева иштирокида брифинг бўлиб ўтди.
️Қайд этилишича, ҳозирги кунда “Аёллар дафтари” билан ишлаш тизимининг 3-босқичи бошланди.
Айни вақтда республикамиздаги барча маҳаллаларда яшовчи 30 ёшдан ошган хотин-қизларни хонадонма-хонадон юриш орқали қайта рўйхатдан ўтказиш ишлари бошланган.
“Аёллар дафтари”нинг 3-босқичида аёлларнинг муаммолари қайтадан ўрганилади. Таъкидланишича, бунда ҳеч бир ижтимоий ҳимояга муҳтож хотин-қиз четда қолиб кетмаслигига алоҳида эътибор берилади.
“Аёллар дафтари”нинг 3-босқич ишлари жорий йил 10 февралида якунланади.
