Футзал бўйича Олий лига баҳсларининг 2021/22-йилги мавсуми давом этмоқда. Унда қатнашаётган “Строител-Зарафшон” клуби ЎзПФЛга расмий хат чиқариб, жамоа футзал бўйича мамлакат чемпионати ва кубогининг 2022-йилги учрашувларида иштирок эта олмаслигини билдирди. Бунга жамоанинг молиявий жиҳатдан оғир аҳволда қолгани сабаб бўлмоқда. Бу ҳақда ПФЛ расмий сайти хабар берди.
Маълумот учун, Ўзбекистон чемпионати жорий мавсумида 11 ўйин ўтказган “Строител-Зарафшон” 1 очко билан мусобақа жадвалида охирги бўлиб турибди.
