Андижон вилояти ҳокимлигида вилоят ҳокими Шуҳратбек Абдураҳмонов ва Бош прокурор Ниғматилла Йўлдошев иштирокида йиғилиш бўлиб ўтди.
Йиғилишда Бош прокурор буйруғига асосан Андижон вилояти прокурори лавозимига тайинланган Эшпўлатов Сирожиддин Қоршибоевич жамоатчиликка таништирилди. С.Эшпўлатов тайинловга қадар Наманган вилояти прокурорининг ўринбосари лавозимида ишлаган.
Маълумот учун: Сирожиддин Эшқувватов 1980 йилда Жиззах вилоятида таваллуд топган. 2002 йилда Тошкент давлат юридик институтини ва 2009 йилда Бош прокуратура Олий ўқув курсларини тамомлаган.
Сирожиддин Эшқувватов 2011 - 2014 йилларда Ўзбекистон Республикаси Бош прокуратураси прокуратура органларида терговни назорат қилиш бошқармаси бошлиғининг ўринбосари – ахборот-таҳлил бўлими бошлиғи лавозимида фаолият олиб борган.
