Жорий йил 13-20-январ кунлари Эрон Ислом Республикасининг Хузестан шаҳрида гандбол бўйича 2002-2004-йилларда туғилган ёшлар ўртасида халқаро турнир бўлиб ўтди. Бу ҳақда Ўзбекистон Республикаси Туризм ва спорт вазирлиги матбуот хизмати хабар бермоқда.
Турнирда шу ёш тоифасида дунёнинг энг кучли жамоалари иштирок этди.
Мазкур нуфузли мусобақада қатнашган мамлакатимиз терма жамоаси аъзолари ўз иродасини намойиш қилиб, шоҳсупанинг 3-поғонасига кўтарилишди. Бу билан ўзбекистонлик гандболчилар 2022-йилдаги илк халқаро турнирни катта ютуқ билан бошлаб, мухлисларга қувончли лаҳзаларни туҳфа қилишди.
Вакилларимиз мусобақа давомида Ироқ (28:15), Грузия (43:29), Туркия (33:26), Эрон ёшлар терма жамоаси (38:21) устидан ғалаба қозонган бўлса, мусобақа мезбонларининг 2004-йилда туғилган ёшлар терма жамоасига 23:22 ҳамда 2002-йилда туғилган ёшларига 34:22 ҳисобида имкониятни бой беришди.
Сафар давомида мамлакатимиз спорт делегациясига Исмоилжон Матхолиқов раҳбарлик қилган бўлса, бош мураббий вазифаси Ботир Караджаевга ишониб топширилди.
Терма жамоамиз аъзолари Эрондан юртимизга 21-январ куни қайтиб келишади.
21.01.2022, 00:34
Саудия Арабистонида гандбол бўйича эркаклар ўртасида Осиё чемпионати бўлиб ўтмоқда. Унда иштирок этаётган терма жамоамиз дастлабки саралаш босқичини муваффақиятли якунлади. Бу ҳақда Олимпия қўмитаси матбуот...
20.12.2021, 22:05
Жорий йил 9-20-декабр кунлари Италиянинг Кети шаҳрида 2004-2005-йилларда туғилган ўсмирлар ўртасида гандбол бўйича “ABRUZZO CUP-2021” халқаро турнири ўтказилди. Италия гандбол федерацияси томонидан уюштирилган ушбу нуфузли...
08.12.2021, 22:32
Испанияда давом этаётган аёллар ўртасида гандбол бўйича жаҳон чемпионатида терма жамоамиз дастлабки гуруҳ босқичидаги иштирокини якунлади. Учинчи турда вакилларимиз Пуерто-Рикога қарши баҳс олиб боришди. Шиддатли...
