Sevimli

Маҳаллаларда янги лавозим жорий этилмоқда

ЖАМИЯТ 20.01.2022, 10:36
Маҳаллаларда янги лавозим жорий этилмоқда

Президент Қарори билан мактаблардаги ёшлар етакчилари штат бирликлари ўрнига маҳаллаларда ёшлар етакчиси лавозими жорий этилади.

"Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида"ги Президент қарорига асосан, мактаблардаги ёшлар етакчилари штат бирликлари қисқартирилиб, улар энди ҳар бир маҳаллада иш олиб боради.

Ёшлар етакчисининг асосий вазифалари этиб қуйидагилар белгиланди:

  • “Ёшлар баланси”ни шакллантириш, ёшлар тўғрисидаги зарур маълумотларни “Ёшлар дафтари” ва “Ёшлар портали” электрон платформаларига киритиб бориш, улар билан самарали иш ташкил қилиш;
  • маҳаллаларда ёшларнинг бўш вақтини мазмунли ташкил этиш, миллий халқ ўйинлари ва спорт турларини ёшлар орасида оммалаштириш, Беш муҳим ташаббус лойиҳалари, ёшлар фестиваллари ва бошқа маданий-маърифий тадбирларни амалга ошириш;
  • ёшларнинг ижтимоий фаоллигини ошириш, иқтидори, истеъдоди ва ташаббусларини рағбатлантириш ҳамда ҳаётда ўз ўрнини топишларига кўмаклашиш;
  • ёшларни ватанпарварлик руҳида тарбиялаш ҳамда уларнинг интеллектуал жиҳатдан камол топишини ва маънавий ривожланишини таъминлаш;
  • ҳуқуқбузарлик содир этишга мойиллиги бўлган ёшлар билан тизимли ишлаш, жазони ижро этиш муассасаларидан озод қилинган, ихтисослаштирилган ўқув-тарбия муассасаларидан қайтиб келган ёшларнинг ижтимоий-педагогик реабилитация қилиниши ва мослашувига кўмаклашиш.

Шарҳлар