ФФВ берган тезкор хабарга кўра, бугун тонгда Андижондаги трансформаторлардан бири ёниб кетган.
Чамаси соат 08:53да Андижон вилояти Андижон тумани Фавқулодда вазиятлар бўлимига "Султонобод" МФЙ ҳудудида жойлашган трансформаторда ёнғин содир бўлаётганлиги тўғрисида хабар келиб тушган.
"Воқеа жойига 1 та ёнғин-қутқарув экипажи соат 09:01да етиб борган, ҳудудий электр тармоқлари корхонаси мутахассислари томонидан трансформатор электр тармоғидан узилгандан сўнг ёнғин соат 09:10да тўлиқ бартараф этилган",-дея маълумот берди ФВВ.
Ҳодиса оқибатида ҳалок бўлган ва жабрланганлар йўқлиги айтилади.
"Ҳозирда ёнғин сабаби ва келтирилган зарар миқдори аниқланмоқда",-дейилади хабарда.
