“Transparency International” халқаро ташкилотининг 2021 йил учун “Коррупцияни қабул қилиш индекси”да Ўзбекистон яна 6 поғона юқорилади.
Бу ҳақда Коррупцияга қарши курашиш агентлиги хабар берди
Қайд этилишича, “Transparency International” халқаро ташкилоти 2021 йил учун “Коррупцияни қабул қилиш индекси”нинг янгиланган рейтингини эълон қилган. Унга кўра, Ўзбекистон 2020 йилга нисбатан 6 поғонага кўтарилиб, 180 мамлакат орасида 140-ўринни эгаллаган.
Ўзбекистон мазкур индексда сўнгги беш йил давомида барқарор ўсиш (2017 йилда 22 баллдан 2021 йилда 28 баллгача) қайд этиб, минтақадаги тез суръатларда яхшиланиб бораётган давлатлар қаторида эътироф этилган.
