Аввалроқ умумтизимда кузатилган йирик носозликлар босқичма-босқич бартараф этилиб, республиканинг ягона электр тармоғига қувват узатиш бошлангани ҳақида ёзган эдик.
Энергетика вазирлигининг қўшимча қилишича, юзага келган носозликлар сабабли Ўзбекистондаги мавжуд газ қазиб олиш конлари ва уни қайта ишлаш заводларида технологик жараёнларнинг бузилиш ҳолатлари кузатилган. Бу эса, ўз навбатида газ ишлаб чиқариш ҳажмининг камайишига олиб келган.
Шу сабабли иссиқлик электр станцияларида газ босимининг камайиши кузатилган ва бу электр энергиясини ишлаб чиқариш ҳажмига салбий таъсир кўрсатган.
"Ҳозирги вақтда мавжуд ишлаб чиқариш қувватларидан келиб чиқиб республикамизнинг айрим ҳудудларида навбатма-навбат электр энергияси етказиб берилмоқда.
Энерготизимда кузатилган носозликлар сабабли юзага келган муаммоларни бартараф этиш учун барча чоралар кўрилмоқда",-дейилади хабарда.
