Дунёда коронавирусга қарши ишлатилган вакциналар сони 10 миллиарддан ошди. Улардан ярмидан кўпи уч мамлакатга – Хитой (2,98 миллиард), Ҳиндистон (1,67 миллиард) ва АҚШга (0,54 миллиард) тўғри келади. Бу ҳақда ТАСС хабар тарқатмоқда.
Айни пайтда сайёрамиз аҳолисига 10,003 миллиард доза коронавирусга қарши вакциналар қўлланилган. Дунё бўйича қанча одам эмлашнинг тўлиқ курсини тугатганини аниқлашнинг иложи йўқ. Сабаби кўплаб мамлакатлар фақат ковид вакциналари ва эмлашларнинг тасдиқланган дозалари ҳақида хабар беришади. Охирги миллиард эмлаш 30 кун ичида амалга оширилган бўлса, аввалгиси 24 кун давом этган.
Маълумотларга кўра, БАА, Малдив ороллари ва Куба, Португалия, Камбоджа ва Сингапурда эмлашга рухсат берилган аҳолининг 90% дан ортиғи эмланган. Аҳолининг 80% дан ортиғи аллақачон эмланган мамлакатлар қаторига Малта, Хитой, Бруней, Чили, Жанубий Корея, Испания, Аргентина, Италия, Канада, Қатар, Австралия, Дания, Исландия, Эквадор, Баҳрайн, Япония, Вьетнам, Уругвай киради. .
