Бош прокуратура ҳузуридаги Департаментнинг Чилонзор туман бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда, “H.S.” МЧЖ Тошкент шаҳар филиали раҳбари А.У. фуқаро Ж.А. билан олдиндан тил бириктириб, МЧЖнинг бош офиси томонидан унга ишониб топширилган 2906 дона суғурта полисларини реализация қилишдан тушган жами 394,8 млн сўмни кирим қилмасдан, талон-торож қилганликлари аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
