Сал аввал Ахборот ва оммавий коммуникациялар агентлиги томонидан «Кинотеатр» телеканалида эфирга узатилган «Баунти» фильмидаги очиқ саҳналар юзасидан экспертлар жалб қилинган ҳолда ўрганиш олиб борилаётгани ҳақида хабар берилган эди.
Айни пайтда Агентлик телеканал масъулларига чора кўрилгани ҳақида хабар қилди.
Маълум қилинишича, «Кинотеатр» телеканали Эфирга тайёрлаш гуруҳи масъули А. А. билан тузилган меҳнат шартномаси бекор қилинди. Телеканал мутасадди раҳбари Н.Б.га эса «ҳайфсан» жазоси қўлланилди.
"Телеканал Бадиий кенгаши томонидан теледастурлар савияси экспертлар иштирокида атрофлича ва танқидий руҳда муҳокама қилинди. Келгусида бу каби ҳолатларга йўл қўймаслик юзасидан ташкилий, ижодий-техник чора-тадбирлар белгиланди", дейилган расмий хабарда
