Бугун, 6 февраль куни соат 18:28ларда Алмати-Тошкент-Термиз халқаро автомобиль йўлининг Жиззах вилояти Ш.Рашидов тумани ҳудудидан ўтувчи 977-километрида ҳаракатланиб кетаётган юк машинасида ёнғин содир бўлди. Бу ҳақда вилоят ФВБ ахборот хизмати хабар берди.
Қайд этилишича, айтилган жойга дарҳол ёнғин-қутқарув бўлинмалари юборилган.
Дастлабки бўлинмалар айтилган манзилга соат 18:45 да етиб боришган ва юк автомобилида кўп миқдорда енгил алангаланувчи ва ёнувчи маҳсулотлар (лак-бўёқ) бўлганлиги сабабли ёнғинни ўчиришга қўшимча куч ва воситалар жалб этилган.
"Айни вақтда ёнғин тўлиқ бартараф этилиб, ёнғиндан кейинги ишлар бажарилмоқда. Ҳодиса оқибатида ҳеч ким жабрланмаган",-дейилади хабарда.
