Бу ҳақда «Uzreport» телеканалидаги лавҳада маълум қилинди.
Маълум бўлишича, у кибержиноят яъни интернет орқали бошқа давлатлардан пул ечгани учун Жиноят кодексининг 168- (Фирибгарлик), 242- (Жиноий уюшма ташкил этиш), 243- (Жиноий фаолиятдан олинган даромадларни легаллаштириш) ва 177- (Валюта қимматликларини қонунга хилоф равишда олиш ёки ўтказиш) моддалари билан 8 йилга қамалган.
«IT бўйича мутахассисман, тизимлар яратганман. Яқинда 27 ёшга кираман. Оилалиман, 2 нафар фарзандим бор. Жами 165 миллиард 792 миллион сўм пул ечганман. Биринчи ишимда 35 миллион доллар пул ечиб олганман.
Кореяда туриб, Исроилдан пул ечдик ва из қолдирмаслик мақсадида 10 минут ичида еттита давлат банкида бу маблағни айлантирганман. Пулларни Швейцария банкига қўйганман. Туркиядан Россияга қайтганимда менга Ўзбекистон томонидан қидирув эълон қилинган экан», — деган у.
