Бугун Президент раислигида "Хавфсиз ва равон йўл" тамойили асосида йўлларда инсон хавфсизлигини таъминлаш борасидаги ишларни янги босқичга олиб чиқиш чора-тадбирларига бағишланган видеоселектор йиғилиши ўтказилди.
Унда давлат раҳбари ЙПХ ходимига қўл кўтарган, сўккан, машинасида судраб, шантаж қилиб, буйруққа бўйсунмаган ҳайдовчиларни танқид остига олди. Қонунларни кўриб чиқишда бу масалага ҳам эътибор қаратиш зарурлигини таъкидлади.
" – Эркинликни ҳам меъёри бўлади. Эркинлик дегани қонунни ҳурмат қилиш дегани," – деди Шавкат Мирзиёев.
