Кремлда Владимир Путин ва Германия канцлери Олаф Шольц ўртасида музокара бўлиб ўтди. Бу икки раҳбарнинг илк шахсий учрашувидир.
Россия президентининг сўзларига кўра, Ғарб Москванинг асосий хавфсизлик талабларини эътиборсиз қолдирган, шунга қарамай, Россия Европада янги ҳарбий можаронинг олдини олиш учун алоҳида масалалар бўйича музокаралар олиб боришга тайёр эканини айтган Путин.
"Биз уруш хоҳлаймизми? Албатта йўқ. Шунинг учун музокаралар жараёни бўйича таклифларни илгари сурдик", - деди Владимир Путин.
Германия ҳукумати раҳбари кескинликни пасайтириш тарафдори эканлиги, шунингдек, Украинанинг ҳудудий яхлитлигини муҳокама қилиб бўлмаслигини таъкидлайди.
"Менинг авлодим учун Европада янги урушни тасаввур қилиб бўлмайди, биз уни олдини олиш учун барча саъй-ҳаракатларимизни қилишимиз керак. Давлат раҳбарлари, ҳукумат раҳбарларининг вазифаси Европада урушнинг олдини олишдир", - дейди Олаф Шольц.
Эслатиб ўтамиз, аввалроқ Германия канцлери Украинага келиб, Зеленский билан ҳам музокаралар олиб борган эди.
