Жиззахда декандан 100 минг АҚШ доллари пора олаётган институт масъули қўлга олинди. Бу ҳақда "darakchi.uz"га ДХХ Матбуот хизмати хабар берди.
Маълум қилинишича, Жиззах давлат педагогика институтининг таълим сифатини назорат қилиш бўлими бошлиғи 2021 йилнинг октябрь ойида мазкур олий ўқув юрти факультетларидан бирининг фаолиятини текшириш жараёнида аниқланган камчиликлар ушбу факультет деканига салбий таъсир қилмаслиги ва уни лавозимида қолишини таъминлаш эвазига 100 минг АҚШ доллари талаб қилади.
ДХХнинг Сирдарё вилояти бўйича бошқармаси ходимларининг Иқтисодий жиноятларга қарши курашиш департаменти билан ҳамкорликда ўтказган тезкор тадбирида у сўралган пулни воситачи орқали олган вақтида ушланди.
