2022 йилнинг 30-31 март кунлари Hilton Tashkent City меҳмонхонасида “HOTEL BUSINESS FORUM -2022: Меҳмондўстлик соҳасидаги давр муаммолари” муҳокамаси бўлиб ўтади. Бу ҳақда Туризм ва спорт вазирлиги Матбуот хизмати хабар бермоқда.
Маълум қилинишича, форумда меҳмондўстлик соҳасидаги қуйидаги масалалар муҳокама қилинади:
• халқаро экспертлар тақдимотлари;
• амалий тавсиялар;
• соҳа вакиллари билан тажриба алмашиш ва ҳар бир иштирокчининг меҳмондўстлик саноатидаги долзарб масалаларни муҳокама қилишда фаол иштирок этиши.
Форумнинг икки кунлик дастури 30 март соат 09:00 дан 16:30 гача сессияларга бағишланган:
• Бизнес жараёнларини оптималлаштиришда халқаро меҳмонхона брендининг роли;
• Меҳмондўстлик соҳасидаги профессионал кадрлар хизматлар сифатини ошириш омили сифатида;
• Ўзбекистонда меҳмонхона очиш инвестиция лойиҳаси доирасида молиявий модел.
Иккинчи куни, 31 март соат 10:00 дан 12:30 гача иштирокчилар қуйидаги саволларни муҳокама қилишади:
• Меҳмонхона хизматлари ва туроператорлар ўртасидаги ўзаро ҳамкорликнинг халқаро тажрибаси;
• HORECA’даги тенденция ва янгиликлар. Меҳмонхоналар ресторанлари қандай қилса янада самарали бўлади?
Ҳар бир сессия доирасида иштирокчилар, маърузачилар ва меҳмонлар ўртасида мавзулар бўйича муҳокамалар ўтказилади.
Иштирокчиларнинг www.hoteliers.uz веб-сайтида рўйхатдан ўтиши талаб қилинади.
Қўшимча маълумот учун телефон: +998 97 144 4847-46.
