14 февраль куни Cамарқанд вилояти Пахтачи туман Тадбиркор маҳалласида фаолият юритиб келаётган 49 ёшли Т.С. туман ИИБга жиноят иши юзасидан ариза билан мурожаат қилган. Ҳолат юзасидан ИИВ ҳузуридаги Тергов департаменти маълумот берди.
Унда 2020 йилдан буён тадбиркорлик фаолияти билан шуғулланиб келиши, Тадбиркорлар маҳалласида яшовчи 67 ёшли А.К. ва 63 ёшли Қ.Б.,лар унга тегишли бўлган савдо дўконларини юритишига тўсқинлик қилаётганини маълум қилгин.
Шунингдек, улар турли хил уйдирмалар билан юқори турувчи органларга шикоят қилиб келаётганлиги, улардан юқори турувчи органларга нима сабабдан шикоят қилишликлари ҳақида сўраганида Қ.Б. 1 млн 500 минг сўм, А.К. эса 15 млн сўм пулларни берган тақдирда юқори турувчи органларга унинг тадбиркорлик фаолияти юзасидан ариза билан мурожаат қилмасликларини, уни тинч қўйишликларини, пулларни бермаган тақдирида унинг тадбиркорлик фаолияти юзасидан юқори турувчи органларга мурожаат қилишдан тўхтамасликларини айтиб, товламачилик йўли билан, ундан пул талаб қилиб келаётганликларини билдирган.
Шикоятчи фуқаро шу сабабли уларга нисбатан қонуний чора кўришликни сўраган.
Мазкур аризага асосан, шу куни соат 17:00 ларда Пахтачи туман ИИБ ЖҚБ ҳамда Самарқанд вилоят Нарпай туман ДХХ бўлинмаси ходимлари билан ҳамкорликда ўтказилган тезкор тадбир давомида А.К. ариза муаллифидан 15 млн сўмга ҳисоблаб 1500 АҚШ доллари, Қ.Б. эса 100 АҚШ доллари пулларини олаётган вақтида тадбир иштирокчилари томонидан ашёвий далиллар билан ушланиб, тегишли тартибда расмийлаштирилган.
Ҳолат юзасидан Пахтачи туман Тергов бўлинмаси томонидан А.К ва Қ.Б.ларга нисбатан Ўзбекистон Республикаси Жиноят кодексининг 165-моддаси 2-қисми «в» банди (товламачилик) билан жиноят иши қўзғатилган ҳамда улар иш бўйича гумон қилинувчи тариқасида жалб қилинган.
Тергов ҳаракатлари давом эттирилмоқда.
