"Ювентус" раҳбарияти ҳужумчи Пауло Дибалани таркибда сақлаб қолишни режалаштирмоқда. Бу ҳақда Calciomercato хабар тарқатмоқда.
Қайд этилишича, туринликлар 28 ёшли аргентиналик футболчига йилига 8 миллион евро маош ва 3 млн евро мукофот пулини тақдим қилишга тайёр.
Томонлар мазкур келишув хусусида музокаралар ўтказмоқда ва тез орада расман келишувга эришиши кутилмоқда.
Маълумот учун, Дибала жорий мавсум А Серияда 20та учрашувда иштирок этиб, 7та гол уришга муваффақ бўлди.
