Аввал хабар қилганимиздек, айни пайтда Ўзбекистон президенти Қорақалпоғистон Республикасида бўлиб турибди.
Darakchi.uz журналистининг маълум қилишича, яқин соатларда президент Шавкат Мирзиёев Беруний туманида бўлиб, қуввати 100 мегаватт бўлган шамол электр станциясининг тамал тошини қўйиши ва шу ерлик сектор раҳбарлари, маҳалла фаоллари ва ҳоким ёрдамчилари билан ҳам учрашиши кутилмоқда.
Маълумот учун, 16-19 та шамол трубинали мазкур станция 2024 йилда иш тушиши билан 106 млн. куб/метр табиий газ тежалади, 160 минг тонна табиатга зарарли чиқинди камаяди.
Бу станция республикада ягона эмас. Яқин 2-4 йилликда шамол электр станциялари сони 4 тага етиши мумкин.
Бугун тамал тоши қўйиладиган Қораўзак шамол электр станцияси ишга тушгач, йилига 120 минг хонадон электр энергия билан, тежалган газ эвазига эса 35 минг хонадон табиий газ билан таъминланади.
Тадбир тафсилотлари ҳамда президент нутқидан олинадиган иқтибосларни бевосита манбамиз орқали ўқиб боришингиз мумкин.
